HƏMAS-ın İsrailə hücumu: Ölənlərin sayı artdı - Yeniləndi

HƏMAS-ln İsrailə qarşı genişmiqyaslı hücumları nəticəsində ölənlərin sayı artıb.

Teleqraf.com xəbər verir ki, İsrail ərazisinə atılan 3 mindən çox raket 300 nəfərin ölümünə, 1 500 yerli sakinin xəsarət almasına səbəb olub.

***

Qəzza zolağından İsrailə endirilən raket zərbələri nəticəsində 250 nəfər ölüb.

Teleqraf.com xəbər verir ki, bu barədə İsrail mərkəzli Kanal 13 televiziyası məlumat yayıb.

***

HƏMAS-ın İsrailə qarşı genişmiqyaslı hücumları nəticəsində 200-dən çox yerli sakin ölüb.

Teleqraf.com xəbər verir ki, İsrail ərazisinə atılan 3 mindən çox raket 1 452 nəfərin xəsarət almasına səbəb olub.

***

HƏMAS-ın İsrailə hücumu nəticəsində 100 nəfər ölüb.

Teleqraf.com “The Times of Israel” nəşrinə istinadən xəbər verir ki, hadisə nəticəsində yaralananların sayı 900 nəfərə çatıb.

Məlumatda çox sayda girovun Qəzzaya aparıldığı da bildirilir.

***

HƏMAS-ın İsrailə hücumu nəticəsində yaralananlardan 545 nəfəri xəstəxanaya yerləşdirilib.

Teleqraf.com “The Times of Israel” nəşrinə istinadən xəbər verir ki, bu barədə İsrail Səhiyyə Nazirliyi məlumat yayıb.

Bildirilib ki, hadisə nəticəsində azı 22 nəfər ölüb. Ancaq ölənlərin sayının artacağı istisna edilmir.