HƏMAS və İsrail arasında danışıqlar başladı – Vasitəçi bu ölkədir

Qətərin vasitəçiliyi ilə İsrail və HƏMAS arasında əsir mübadiləsinə dair danışıqlar gedir.

Teleqraf.com xəbər verir ki, bu barədə Çin dövlət xəbər agentliyi “Sinxua” HƏMAS qruplaşmasındakı mənbəyə istinadla bildirib.

“Qətər ABŞ-ın dəstəyi ilə HƏMAS tərəfindən əsir götürülən israilli qadınların İsrail həbsxanalarında saxlanılan fələstinli qadın məhbusların müqabilində azad edilməsinə səbəb olacaq təcili razılaşma əldə etməyə çalışır”, - məlumatda deyilir.

Məlumatla bağlı İsrail tərəfindən heç bir şərh yoxdur.

Çin agentliyi qeyd edir ki, hazırda İsrail həbsxanalarında saxlanılan 36 fələstinli qadın var.