Şəhər uğrunda şiddətli döyüş – Rusların planı baş tutmadı

Uğurlu olduğunu iddia etməsinə baxmayaraq, Rusiyanın Avdivə hücumu tamamilə nəticəsiz bitib.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb.

ISW ​​Rusiya qüvvələrinin Avdivi istiqamətində yerləşən Krasnoqorivkadan cənuba və Pervomayskdan cənub-şərqə bir qədər irəliləyə bildiyini vurğulayır. Ruslar Avdiv koks zavodunu da ələ keçirdiklərini iddia etsələr də, ABŞ institutu ​buna dair heç bir sübut tapmayıb.

“Rusiyanın Donetsk vilayətinin Avdiv bölgəsi istiqamətində davam edən hücum əməliyyatları şəhər ətrafında uğursuzluğa düçar olub”, - ISW bildirir.

Amerikalı analitiklər Rusiyanın uğursuzluqlarının bəzi səbəblərini qeyd edirlər. Ukrayna qüvvələri rusların irəliləyişini ləngitmək üçün minalanmış sahələrdən fəal şəkildə yararlanırlar.