Ərdoğan Qəzzada xəstəxananın atəşə tutulmasını pislədi

Türkiyə Prezidenti Rəcəb Tayyib Ərdoğan İsrail ordusunun Qəzzada xəstəxananı atəşə tutmasını pisləyib.

Teleqraf.com xəbər verir ki, bununla bağlı dövlət başçısının “X” sosial şəbəkəsindəki hesabında paylaşım edilib.

Qeyd olunub ki, qadınların, uşaqların və günahsız vətəndaşların olduğu xəstəxananın vurulması ən təməl insani dəyərlərdən məhrum hücumlarının son nümunəsidir: “Mən bütün bəşəriyyəti Qəzzada bu misli görünməmiş vəhşiliyi dayandırmaq üçün hərəkətə keçməyə dəvət edirəm”.