HƏMAS-ın mövqeləri vuruldu – Komandirləri məhv edildi

İsrail Müdafiə Qüvvələri (SAXAL) ötən sutka ərzində Qəzza zolağında HƏMAS-ın 400-ə yaxın hədəfinə zərbələr endirib.

Teleqraf.com xəbər verir ki, zərbələr nəticəsində HƏMAS-ın bir neçə səhra komandiri və xeyli sayda yaraqlısı məhv edilib.

Zərbələr Qəzza zolağı boyunca HƏMAS-ın yerləşdiyi ərazilərə, o cümlədən bir neçə məscidə və İsrailə raket atışına hazırlaşan silahlılara qarşı istiqamətləndirilib.

İsrail ordusu gecə ərzində Qəzza sahillərində HƏMAS-ın tunelinin və komandanlıq mərkəzlərinin girişlərinə də zərbələr endirib.

İsrail Müdafiə Nazirliyi bildirir ki, son zərbələr nəticəsində HƏMAS-ın bir neçə zabiti, o cümlədən qruplaşmanın Nuseyrat, Şati və Furqan batalyonlarının komandir müavinləri məhv edilib.