Almaniya prezidenti Tanzaniyadan üzr istədi

Almaniya prezidenti Frank-Valter Ştaynmayer Tanzaniyada alman müstəmləkəçiliyi dövründə törədilmiş cinayətlərə görə üzr istəyib.

Teleqraf.com xəbər verir ki, o, ölkəsində baş verən vəhşiliklər barədə məlumatlılığı artıracağını vəd edib.

Ştaynmayer cənubundakı Songea şəhərindəki Maji-Maji muzeyini ziyarət edərkən deyib: “Mən almanların burada sizin əcdadlarınıza etdiklərinə görə üzr istəmək istəyirəm”.

Tanzaniya 1905-1907-ci illər arasında müstəmləkəçilik tarixinin ən qanlı üsyanlarından birinin baş verdiyi Alman Şərqi Afrikasının bir hissəsi idi. Mütəxəssislərin hesablamalarına görə, Maci-Maji üsyanı adlanan qiyam zamanı əsasən alman qoşunları tərəfindən tarlaların və kəndlərin sistemli şəkildə dağıdılması nəticəsində 200-300 min yerli sakin vəhşicəsinə qətlə yetirilib.

Steinmeier, Almaniyanın Tanzaniya ilə işləməyə hazır olduğunu söylədi. “Burada baş verənlər bizim ümumi tariximizdir: sizin əcdadlarınızın tarixi və Almaniyadakı əcdadlarımızın tarixi. Mənim ölkəmdə bu hekayələrdən daha çox insanın xəbər tutması üçün çalışacam. Sizi əmin etmək istəyirəm ki, biz almanlar sizi narahat edən suallara cavab tapmaq üçün sizinlə birgə çalışacağıq”, - o əlavə edib.