Hücumun növbəti dalğası - Rus ordusu bu şəhəri tutmağa hazırlaşır

Rusiya qüvvələri böyük texnika və canlı qüvvə itkilərinə baxmayaraq, Avdiv şəhəri istiqamətində yeni hücum dalğasına hazırlaşır.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutu məlumat yayıb.

Məlumatda deyilir ki, ruslar oktyabrda Avdivdə ağır texnika itkilərini kompensasiya etmək üçün artilleriya təlimindən sonra piyadaların başçılıq edəcəyi hücuma hazırlaşırlar.

Rusiya mənbələri hələlik onların Avdivin şimal və cənubuna hücumlarının sürətinin əhəmiyyətli dərəcədə azaldığını bildirirlər. Rus ordusu bu ərazidə Ukraynanın irəlidəki mövqelərinə və yaxın arxa xətlərinə zərbələr endirir.

ABŞ institutu hesab edir ki, Rusiyanın Avdivə artan hava zərbələri yeni hücum dalğası ərəfəsində hava və artilleriya hazırlığıdır.