Qəzzada ölüm-dirim savaşı - “Tunellərdə məhv edəcəyik”

Qəzzada quru hücumu başladıqdan sonra İsrail ordusunun nəzarətinə keçən ərazilərdə HƏMAS-ın tunellərini məhv etmək üçün genişmiqyaslı əməliyyata başlayıb.

Teleqraf.com xəbər verir ki, israilli hərbçilər tunelləri dağıtmaq, HƏMAS-ın qurduğu tələləri partlatmaq və canlı qüvvəni məhv etmək üçün müxtəlif növ robotlar və partlayıcı qurğulardan istifadə edirlər.

İsrail ordusunun Cənub Komandanlığının zabiti “Walla”ya HƏMAS-ın heç bir şansının olmadığını deyib:

“Tunelləri üstlərinə yıxacağıq. Bura ölüm zonasına çevriləcək. Səhv etdilər, qaça bilməyəcəkləri bir yerdə qalmağı seçdilər. Tunellərdə öləcəklər”.

İsrail ordusu indiyədək HƏMAS-ın 100-ə yaxın tunelini məhv edib.