Ukraynadan İrana qarşı sürpriz həmlə - “Başlamışıq, artıq...”

Ukrayna İranın “Şahid” pilotsuz təyyarələrinin (PUA) yerli analoqunun kütləvi istehsalına başlayıb.

Teleqraf.com xəbər verir ki, bu barədə ölkənin strateji sənaye naziri Aleksandr Kamışin məlumat verib.

Onun sözlərinə görə, Ukraynanın hərbi sənayesi ayda onlarla belə PUA istehsal etmək gücündədir.

Kamışin vurğulayıb ki, müdafiə sahəsi hazırda ölkə iqtisadiyyatına mühüm töhfə verir və gələcəkdə əsas sahəyə çevrilməlidir.

“Ukraynanın Şahidi” adlandırdığımız bu məhsulların kütləvi istehsalına başlamışıq”, - nazir bildirib.

Kamışin əlavə edib ki, PUA istehsalı ilə bağlı aylıq göstərici artırılacaq.