Gürcüstan müdafiə naziri Ermənistanda: Hərbi plan imzalandı

Ermənistan müdafiə naziri Suren Papikyan ölkəsinə rəsmi səfərə gəlmiş gürcü həmkarı Xuanşer Burçuladze ilə görüşüb.

Teleqraf.com xəbər verir ki, müdafiə nazirlərinin təkbətək söhbətindən sonra geniş tərkibdə görüş baş tutub.

Görüş zamanı tərəflər hərbi əməkdaşlığın hazırkı səviyyəsini yüksək qiymətləndiriblər. Müdafiə və regional təhlükəsizlik sahəsində Ermənistan-Gürcüstan əməkdaşlığı ilə bağlı məsələlər müzakirə edilib.

Görüşün sonunda nazirlər Ermənistan və Gürcüstan müdafiə nazirlikləri arasında ikitərəfli əməkdaşlıq planını imzalayıblar.