Şolts Netanyahunu atəşkəsə çağırdı

Almaniya kansleri Olaf Şolts İsrail Baş naziri Benyamin Netanyahu ilə telefon danışığı zamanı İsraili Qəzza zolağında humanitar atəşkəsə çağırıb.

Teleqraf.com Axar.az-a istinadən xəbər verir ki, bunu Almaniya hökumətinin rəsmisi Kristina Hoffman deyib.

“Şolts Almaniyanın İsrail xalqı ilə həmrəy olduğunu və Almaniyanın İsrailin yanında olduğunu söyləyib. Tərəflər HƏMAS tərəfindən saxlanılan girovları, xüsusilə uşaqları, qocaları, xəstələri və qadınları tez bir zamanda azad etmək səylərini müzakirə ediblər”, - Hoffman bildirib.