Cəbhədə son durum: Rus ordusunun hücumları dəf edildi

Rusiya ordusu Avdiv şəhərini mühasirəyə almaq cəhdlərini dayandırmır. Ukrayna qüvvələri son sutka ərzində burada 20 hücumu dəf edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat verib.

Son 24 saat ərzində 64 toqquşma baş verib.

Rusiya hərbçiləri Kupyan istiqamətində Sinkivka ərazisində hücum əməliyyatları keçirib, Ukrayna ordusu bütün cəhdlərin qarşısını alıb.

Rusiyanın Baxmut istiqamətində Klişçivka və Andrivkaya hücumları da uğursuz alınıb.

Ukrayna qoşunları Marin, Georgiyivka və Novomixaylivka rayonlarında rusların 14 hücumunu dəf edib.

Rusiya Şaxtyor istiqamətində Staromayorskın cənub-qərbində uğursuz əməliyyat keçirib. Bundan başqa, Zaporojedə Vervovoya hücuma keçsələr də, nəticəsi olmayıb.

Eyni zamanda, Ukrayna qüvvələri Melitopol istiqamətində hücum əməliyyatını davam etdirir.