Rusiyanın piyada qoşunları hücumda: İrəliləyirlər

Rusiya qoşunları Kupyan-Svatov-Kreminna xəttində quru hücumlarını davam etdirərək irəliləməyə nail olub.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb.

Geolokasiya görüntüləri rus qüvvələrinin Sinkivkanın şərqinə doğru irəlilədiyini göstərir.

Rusiya mənbələrinin məlumatına görə, Kreminnadan 10 km şimal-qərbdə Serebryanski meşə sahəsində də irəliləyiblər, amma ISW ​​bunun əyani təsdiqini tapmayıb.

İnstitut əlavə edir ki, ruslar Baxmutda irəliləyiş əldə etməyiblər. Amma Rusiya Avdiv yaxınlığında hücum əməliyyatlarını gücləndirib.

Bundan əlavə, ruslar Donetskin qərb və cənub-qərbində hücum əməliyyatlarını davam etdirirlər. Rusiya mənbələri Marin və Novomixaylivkada irəlilədiklərini də bildirirlər.