Qandakı şəkəri dərhal ölçən cihaz

Dəriyə yapışdırılan və qandakı şəkərin səviyyəsini dərhal ölçə bilən plastır hazırlanıb.

Trend-in Türkiyənin "Yeni Şəfəq" qəzetinə istinadən verdiyi məlumata görə, plastırı ABŞ-da Kaliforniya Universitetinin elm adamları hazırlayıblar.

Plastır diabet xəstələrinin işini xeyli asanlaşdıracaq. Sensor tərkibli plastır elektrokimyəvi reaksiya sayəsində qandakı şəkəri ölçəcək. Nəticələr isə simsiz şəbəkə vasitəsilə analiz cihazına göndəriləcək.

Alimlər yeni cihazın ağrı vermədiyini də bildiriblər.