İrandan Xəzər açıqlaması: “Allaha şükürlər olsun ki...”

Xəzər dənizi sahilində yerləşən bütün ölkələrlə dostluq və çoxtərəfli hərbi əlaqələrimiz var.

Teleqraf.com xəbər verir ki, bunu “Daylaman” esminesinin Ənzəli limanında Şimal Donanmasına təhvil verilməsi mərasimində İran silahlı qüvvələrinin Baş Qərargah rəisi, general-mayor Məhəmməd Baqiri deyib.

“Allaha şükürlər olsun ki, Xəzər dənizi sahilində yerləşən bütün ölkələrlə dostluq və çoxtərəfli hərbi əlaqələrimiz var. Bu gün bu platformadan qonşu ölkələrə sülh və dostluq mesajı verirəm”, - Baqiri bildirib.

General iddia edib ki, İranın “Daylaman” esminesi və digər imkanları "ölkənin şimalında sülhün bərqərar olması, ticarət donanmalarının təhlükəsizliyinin təmin edilməsi, həmçinin terrorçulara qarşı mübarizə və mümkün insidentlərin qarşısının alınması" məqsədi daşıyır.