Cəbhədə son durum: Rus ordusunun bütün hücumları dəf edildi

Ukrayna ordusu Avdiv istiqamətində müdafiəni möhkəm saxlayır. Gün ərzində Ukrayna hərbçiləri burada Rusiya qoşunlarının 27 hücumunu dəf edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ötən gün ərzində cəbhədə ümumilikdə 64 toqquşma baş verib.

Gecə saatlarında ruslar Ukrayna ərazisinə 5 “Şahid” tipli PUA (İran istehsalı) atıb. Hədəflərin hamısı məhv edilib.

Kupyan, Liman, Baxmut, Marin və Zaporoje istiqamətlərində Rusiya ordusunun bütün hücumlarının qarşısı alınıb.

Eyni zamanda, Ukrayna qoşunları Melitopol və Dnepr çayının sol sahilində (Xerson) aktiv döyüş əməliyyatları aparır.