Kim Çen Inın yeni raketi: Amerikaya çata bilir

Şimali Koreya ABŞ-ni vurmaq potensialına malik daha bir uzaqmənzilli ballistik raket buraxıb.

Teleqraf.com xəbər verir ki, buraxılış bazar günü həyata keçirilib.

Cənubi Koreya ordusu Pxenyandan buraxılan raketin 1000 km uçaraq Yapon dənizinə düşdüyünü bildirib.

Yaponiya Müdafiə Nazirliyi bunun ABŞ-a çata biləcək 15 min km mənzilli qitələrarası ballistik raket olduğunu açıqlayıb.

Yaponiya Baş naziri Fumio Kişida Şimali Koreyanın sınağını “sülh və sabitliyə təhlükə” adlandırıb, ABŞ Dövlət Departamenti də baş verənləri qınayıb.