105 dəfə toqquşdular – Ukrayna bütün hücumları dəf etdi

Son sutka ərzində cəbhədə Rusiya və Ukrayna qüvvələri arasında 105 toqquşma baş verib. Əvvəlki günlərlə müqayisədə tərəflər arasında toqquşmaların sayı xeyli artıb.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Gecə saatlarında Rusiya “Şahid” tipli 2 PUA-dan (İran istehsalı) istifadə edərək növbəti dəfə Ukraynaya hücum edib. Bütün PUA-lar zərərsizləşdirilib.

Rusiya Donetsk vilayətinin Novomixaylivka rayonuna hava zərbələri endirib. Çerniqov, Sumı, Xarkov, Luqansk, Donetsk, Zaporoje, Xerson və Nikolayev vilayətlərinin 140-dan çox yaşayış məntəqəsi artilleriya atəşinə məruz qalıb.

Kupyan, Marin, Zaporoje, Liman, Baxmut və Avdiv istiqamətlərində rus ordusunun çoxsaylı hücumları dəf edilib.

Ukrayna ordusu Melitopol və Xersonun sol sahilində aktiv döyüş əməliyyatları aparır.