Rusiyadan Türkiyə açıqlaması: “Razılaşdıq, tezliklə başlayırıq”

Rusiya baş nazirinin müavini Aleksandr Novak Türkiyədə təbii qaz mərkəzinin yaradılması layihəsi ilə bağlı yol xəritəsinin tezliklə təsdiqlənəcəyini açıqlayıb.

Teleqraf.com xəbər verir ki, ölkə rəsmisi projenin 2024-cü ildə reallaşacağına ümid etdiyini bildirib.

“Münasib yol xəritəsinin hazırlanması üçün tərəfdaşlarımızla razılaşmışıq, bu yaxınlarda təsdiqlənəcək. Sözügedən yol xəritəsi çərçivəsində layihənin icrasına başlayacağıq. Türkiyəli tərəfdaşlarımız təcrübələrimizi öyrənmək üçün tezliklə Sankt-Peterburqa gələcəklər. Əminəm ki, bu, Türkiyədə elektron platforma və mərkəzin yaradılması üçün faydalı olacaq. 2024-cü ildə layihənin icrasına başlayacağımıza ümid edirik”, - Novak deyib.