İsrail ordusu Qəzzada 3 tuneli məhv etdi

İsrail Müdafiə Qüvvələrinin (IDF) mətbuat xidməti Qəzza zolağında Əl-Rantisi xəstəxanası ərazisində üç radikal tunelin aşkar edilərək məhv edildiyini bildirib.

Teleqraf.com xəbər verir ki, Əl-Rantisi xəstəxanası və yanaşı məktəbin yaxınlığında üç tunel şaxtası məhv edilib. Qeyd olunur ki, onlarla metr dərinlikdə olan tunel şaxtaları xəstəxananın altından keçən yeraltı tunel şəbəkəsi ilə birləşdirilib. Tunel Qəzzanın mərkəzinədək uzanır .

“Tunellər həmçinin Qəzza zolağının şimalında hərbi əməliyyatların aparılması və terror aktlarının həyata keçirilməsi üçün komanda qərargahı funksiyasını yerinə yetirib”, - mətbuat xidməti qeyd edib.