Ukraynadan sərt müqavimət: Rusiya ordusunun hücumu dəf edildi

Son sutka ərzində cəbhədə Rusiya və Ukrayna qoşunları arasında 56 toqquşma baş verib.

Teleqraf.com xəbər verir ki, bu barədə Ukraynanın Baş Qərargahı məlumat yayıb.

Ukrayna ordusu Kupyan istiqamətində Sinkivka yaxınlığında rusların 7 hücumunu dəf edib. Boqdanivka və Andrivka rayonlarında da 2 belə cəhdin qarşısı alınıb.

Rusiya qoşunları aylardır hədəfdə olan Avdiv şəhərini mühasirəyə almaq cəhdlərindən əl çəkmir. Bu və Stepeovoy istiqamətində rusların 8 hücumu dəf edilib.

Rusiya qüvvələri Severnoy, Pervomaysk və Nevelski yaxınlığında 21 uğursuz hücum əməliyyatı keçirib.

Marin və Novomixaylivka rayonlarında Rusiyanın 9 hücumunun qarşısı alınıb. Zaporoje istiqamətində Verbovoy və vilayətin şimal-qərbində 2 hücum dəf edilib.

Ukrayna ordusu bütün cəbhə boyu qarşı tərəfə müqavimət göstərir.