Kabildə partlayış - Ölənlər var

Əfqanıstan paytaxtı Kabilin qərbində baş verən partlayış nəticəsində azı 2 nəfər ölüb, 12 nəfər yaralanıb.

Teleqraf.com xəbər verir ki, bu barədə “TOLOnews” telekanalı Kabil Polis İdarəsinin nümayəndəsi Xalid Zadrana istinadən məlumat yayıb.

Onun sözlərinə görə, ticarət mərkəzinin ərazisində əl qumbarası partlayıb. Hüquq-mühafizə orqanları günahkarları axtarır.

Qeyd edək ki, bu gün Əfqanıstanda üç partlayış baş verib. Onlardan ikisi Kabildə, digəri isə ölkənin şimalındakı Məzari-Şərif şəhərində qeydə alınıb.