İsrail ordusu İordan çayının qərb sahilində reydlər keçirir

İsrail hərbçiləri İordan çayının qərb sahilində bir sıra şəhər və qəsəbələrdə reydlər keçirir.

Teleqraf.com xəbər verir ki, bu barədə Fələstinin WAFA xəbər agentliyi məlumat yayıb.

Bildirilib ki, İsrail təhlükəsizlik qüvvələri Ceninin cənubunda, qərbində və şərqində bir neçə kənd və qəsəbəyə hücum edib.

Məlumata görə, hərbçilər Yabad şəhərinə soxulub, burada genişmiqyaslı reydlər və evlərdə axtarışlar həyata keçirib, ətraf ərazilərdə pusqular qurub və binaların damlarına snayperlər yerləşdiriblər.

İşğaldan sonra şəhərdə toqquşmalar baş verib, əsgərlər yerli evlərə səs-küylü qumbaralarla hücum ediblər.