Pakistan Tehrandakı səfirini geri çağırdı

Pakistan İranın Bəlucistan əyalətinə hücumu ilə əlaqədar öz səfirini Tehrandan geri çağırmaq qərarına gəlib.

Teleqraf.com xəbər verir ki, bu barədə Pakistan Xarici İşlər Nazirliyinin rəsmi nümayəndəsi Mümtaz Zəhra Bəluç məlumat verib.

İslamabadda yerləşən diplomat deyib: "İranın dünən gecə Pakistanın suverenliyini əsassız və kobud şəkildə pozması beynəlxalq hüquq və BMT Nizamnaməsinin məqsəd və prinsipləri qarşısındadır".

Bu qeyri-qanuni hərəkət qətiyyən qəbuledilməzdir və heç bir əsası yoxdur, Bəluç deyib. “Pakistan bu qanunsuz hərəkətə cavab vermək hüququnu özündə saxlayır.

Nəticələrə görə məsuliyyət yalnız İranın üzərinə düşəcək”, - XİN nümayəndəsi vurğulayıb və əlavə edib ki, Pakistan tərəfi qərarını Tehrana çatdırıb.

“Biz onlara Pakistanın İrandakı səfirini geri çağırmaq qərarına gəldiyini və hazırda İranda olan İran İslam Respublikasının Pakistandakı səfirinin hələlik geri qayıtmayacağını bildirdik”, - Bəluç bildirib.

O, İslamabadın "Pakistan və İran arasında davam edən və yaxın gələcəkdə planlaşdırılan bütün yüksək səviyyəli səfərləri dayandırmağa qərar verdiyini" söylədi.

Bir gün əvvəl Pakistan Xarici İşlər Nazirliyi İran tərəfindən ölkənin hava məkanının əsassız şəkildə pozulmasını qətiyyətlə pisləyib. Hücum nəticəsində iki uşağın öldüyü, daha üç qızın isə yaralandığı bildirilib.