İstanbul sahillərində iki yük gəmisi toqquşdu

İstanbul yaxınlığında, Mərmərə dənizində iki yük gəmisi toqquşub.

Teleqraf.com xəbər verir ki, bu barədə Türkiyə Sahil Mühafizəsi Baş İdarəsi məlumat yayıb.

Bildirilir ki, Panamanın bayrağı altında üzən 138 metrlik “Volgodon 207” İstanbulun Ahırkapı estakadasında lövbər salıb və artıq lövbərdə olan 147 metrlik “Astrid L” yük gəmisi ilə toqquşub. İkinci gəmi Antiqua və Barbuda bayrağı altında üzür.

Xəsarət alanlar və ətraf mühitə zərər qeydə alınmayıb.