Rusiyaya qarşı ərazi iddiası irəli sürüldü - Zaxarovadan təpki

Ukrayna Prezidenti Vladimir Zelenskinin “Rusiyada ukraynalıların tarixən məskunlaşdıqları ərazilər”lə bağlı fərmanı absurddur.

Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

“Bu əzabdır - Kiyev rejiminin heç vaxt real nailiyyətləri olmayacaq. Ölkəni Qərb kuratorlarının sifarişləri ilə Zelenski və onun sələfləri dağıdıb. Sözün əsl mənasında hər şey satılıb, kənara daşınıb və oğurlanıb. İnsanları mal-qara kimi kəsilmək üçün irəli sürürlər. Buradan da absurd sənədlər və gülünc davranışlar ortaya çıxır”, - diplomat bildirib.

Ukrayna Prezidenti Vladimir Zelenski bundan əvvəl Rusiyada ukraynalıların tarixən məskunlaşdıqları ərazilərlə bağlı fərman imzalayıb. Sözügedən ərazilərə Rusiyanın Krasnodar, Belqorod, Bryansk, Voronej, Kursk və Rostov vilayətləri daxildir.