Sərt xəbərdarlıq: “Müstəqil olmayacaqlar, birləşəcəyik”

Tayvan Çinin ayrılmaz hissəsidir, ada heç vaxt ayrıca ölkə və ya dövlət olmayacaq.

Teleqraf.com xəbər verir ki, bunu Çin Müdafiə Nazirliyinin sözçüsü Vu Qian deyib.

“Tayvan heç vaxt ayrı ölkə və müstəqil olmayacaq, xarici güclərin Çini bölmək fikri heç vaxt uğur qazanmayacaq”, - ölkə rəsmisi bildirib.

Qian əlavə edib ki, Tayvanı ölkənin birləşdirilməsi üçün geri qaytarmaq lazımdır:

“Çin Xalq Azadlıq Ordusu öz hərəkətləri ilə danışacaq, milli suverenliyi və ərazi bütövlüyünü qorumaq üçün həmişə nəhəng polad divar olacaq”.