Rusiya XİN: “Cənubi Qafqazda sülhə nail olmaq üçün səyləri davam etdirəcəyik”

Rusiya Cənubi Qafqazda sülh və sabitliyə nail olmaq üçün səylərini davam etdirməyə hazırdır.

Teleqraf.com xəbər verir ki, bunu Rusiyanın Xarici İşlər Nazirliyinin (XİN) rəsmi nümayəndəsi Mariya Zaxarova bildirib.

Onun sözlərinə görə, Moskva İrəvanın əsas tərəfdaşı olaraq qalır.

Zaxarova xatırladıb ki, Rusiya Azərbaycan və Ermənistan arasında 2020-ci ilin payızında hərbi əməliyyatların dayandırılmasına həlledici töhfə verib və daha ​​çətin vəziyyətin qarşısını almağa kömək edib: "Rusiya hərbi əsirlərin və məhbusların mübadiləsində, itkin düşənlərin axtarışında, minalanmış ərazilərin xəritələrinin verilməsində fəal köməklik göstərib".