Səudiyyə kralı dəfn olundu

Bu gün Səudiyyə Ərəbistanında vəfat etmiş kral Abdullah bin Əbdüləziz Al Səud ilə vida mərasimi keçirilib. Mərasim Ər-Riyadın İmam Turki bin Adullah məscidində gerçəkləşdirilib.

Teleqraf.com-un məlumatına görə, dualar oxunduqdan sonra kralın qızıl kəfənə bürünmüş cəsədi Al-Aud şəhər qəbiristanlığına aparılıb. Adət-ənənəyə uyğun olaraq, cəsəd tez və hər hansı təmtəraq olmadan torpağa tapşırılıb. O, müsəlman adət-ənənələri üzrə adsız məzarda dəfn olunub.

Dəfn mərasimində ərəb ölkələrinin liderləri iştirak edib.

Qeyd edək ki, vida və dəfn mərasimində yalnız müsəlman dövlətlərinin liderləri iştirak ediblər.