ABŞ-nin Suriyanın şərqindəki bazası raket atəşinə tutuldu

ABŞ-nin Suriyanın şərqində yerləşən Deyr əz-Zor əyalətindəki “Koniko” qaz yatağındakı bazası raket atəşinə tutulub.

Teleqraf.com xəbər verir ki, hərbi baza dörd raketlə vurulub və yanğın başlayıb.

Hücum zamanı insan tələfatının olub-olmadığı açıqlanmır.

Qeyd edək ki, bundan əvvəl ABŞ Prezidenti Cozef Baydenin göstərişi ilə İraq və Suriyadakı hədəflərə hücumlar həyata keçirilib.