ABŞ hərbi bazasına hücum: Kürd yaraqlıları öldürüldü

Suriyanın ABŞ hərbi bazasına hücumda kürdlərin rəhbərlik etdiyi “Suriya Demokratik Qüvvələri”nin (SDQ) 5 döyüşçüsü həyatını itirib.

Teleqraf.com xəbər verir ki, bu barədə Britaniyada fəaliyyət göstərən Suriya İnsan Haqları Təşkilatı məlumat yayıb.

Təşkilat bildirir ki, gecə saatlarında ABŞ-nin Suriyada rəhbərlik etdiyi koalisiyanın ən böyük bazası olan “Əl-Ömər”ə PUA hücumu nəticəsində SDQ “xüsusi təyinatlılar”ının 5 üzvü ölüb, 20-si yaralanıb.

Hərbi bazanın İranın Suriyadakı terrorçu qruplaşmaları tərəfindən hədəfə alındığı ehtimalı var.

SDQ Türkiyədə PKK terror təşkilatının Suriyadakı qollarından biri hesab edilir.