İranda daha bir məhbus intihar etdi

İranın Kərəc şəhərinin mərkəzi həbsxanasında Həmid Xosrəvi adlı məhbus intihar edib.

Teleqraf.com xəbər verir ki, bu barədə “Azad İran” “Telegram” kanalı İran İnsan Haqları Mərkəzinə istinadla xəbər verib.

Məlumata görə, məhbus həbsxana şəraiti və nəzarətçilərin basqılarına etiraz olaraq həddindən artıq metadon qəbul edərək canına qəsd edib.

Həbsxana rəhbərliyi baş verənlərlə bağlı açıqlama verməyib.

Xatırladaq ki, bundan əvvəl Urmiya şəhər mərkəzi həbsxanasında barmaqlarının kəsilməsi cəzasına məhkum edilən Əmir Şahbazi adlı məhbus intihar etmişdi.