Niger Fransadan talamaya görə təzminat tələb etdi

Niger hərbi rejiminin başçısı general Abdürrəhman Tçiani ölkəsinin təbii sərvətlərinin bir əsrdən artıq müstəmləkə və neokolonial üsullarla talan edilməsinə görə Fransadan təzminat tələb edib.

Teleqraf.com xəbər verir ki, generalın sözlərinə görə, Fransa müstəmləkə və neokolonial rejim dövründə yüz ildən artıqdır ki, Nigerin sərvətlərini nəzarətsiz şəkildə talayıb.

"Bunun əvəzini bizə tam ödəyəcək. Biz öz suverenliyimizi tam bərpa etmək niyyətindəyik və bunun üçün Afrikanın ən yaxın tarixi ilə bağlı bütün arxiv məlumatlarını nəzərdən keçirib öyrənəcəyik”, - deyə o bəyan edib.

General fransızların topladıqları bütün sərvətlərə görə yaranmış borcları ödəməsi üçün ətraflı cədvəl tərtib edəcəklərini deyib.