HƏMAS üzərində tam qələbəyə nail olmaq əzmindəyik - Netanyahu

İsrail radikal HƏMAS hərəkatı üzərində tam qələbəyə nail olmaq əzmindədir.

Teleqraf.com xəbər verir ki, bu sözləri İsrail Dövlətinin Baş naziri Benyamin Netanyahu ABŞ-dakı yəhudi təşkilatlarının rəhbərliyi qarşısında çıxışı zamanı deyib.

“Biz HƏMAS üzərində tam qələbəyə nail olmaq əzmindəyik, bu da girovların azad edilməsi deməkdir. Bizim düsturumuz sadədir - güclü hərbi təzyiq və sərt danışıqlar mövqeyi", - deyə Netanyahu bildirib.

Baş nazir qeyd edib ki, İsrail ordusu Qəzza zolağında HƏMAS batalyonlarının dörddə üçünü məhv edib.

"Ümid edirəm ki, biz tezliklə girovların azad edilməsi ilə bağlı razılığa gələ biləcəyik", - deyə Baş nazir vurğulayıb.