"Cenevrə formatı"na qayıdın

BMT Ukrayna və Rusiyanı Donbasda münaqişənin nizamlanması üçün “Cenevrə formatı”na qayıtmağa çağırıb.

Teleqraf.com-un UNİAN-a istinadən məlumatına görə, bunu BMT baş katibinin müavini Ceffri Feltman bəyan edib.

“Münaqişəsinin sülh yolu ilə həll edilməsinin zəruriliyi ən yüksək səviyyədə bəyan edilməlidir. Mən tezliklə tərəfləri ABŞ və Avropa İttifaqının iştirakı ilə “Cenefrə formatında” danışıqlara yenidən başlamağa çağırıram”, deyə C.Feltman bildirib.

Onun sözlərinə görə, BMT Ukraynanın şərqində sülh prosesinə davamlı dəstək verəcək. “Artiq 5 mindən çox insan bu münaqişənin qurbanı olub. Biz tezliklə böhranın dayandırılması yollarını tapmalıyıq”, C.Feltman vurğulayıb.