Cənubi Koreya Rusiya şirkətlərinə sanksiya tətbiq etdi

Cənubi Koreya Rusiya vətəndaşlarına qarşı sanksiya tətbiq edib.

Teleqraf.com xəbər verir ki, bu barədə “Reuters“ Cənubi Koreya Xarici İşlər Nazirliyinin bəyanatına istinadən yazır.

Bildirilib ki, bu addım Şimali Koreyanın nüvə və raket proqramları ilə əlaqəsi olduğu iddia edilən iki təşkilata və iki Rusiya vətəndaşına qarşı tətbiq edilib.

Bundan əvvəl Rusiya ABŞ-nin BMT Təhlükəsizlik Şurasında KXDR üzrə sanksiya komitəsi ekspertlərinin işinin uzadılmasına dair qətnaməsinə mane olub.

Rusiyanın BMT-dəki daimi nümayəndəsi Vasili Nebenzya Təhlükəsizlik Şurasının iclasında bildirib ki, ABŞ başda olmaqla Qərb birtərəfli məhdudiyyətlər vasitəsilə KXDR-i boğmağa çalışır.