Ehtiyat qüvvələr xidmətə çağırıldı - Ordu İrana qarşı hazır vəziyyətə gətirildi

İranın Suriyadakı konsulluğuna hava hücumundan sonra İsrail ordusu həyəcan vəziyyətinə gətirilib.

Teleqraf.com xəbər verir ki, İsrail Hərbi Hava Qüvvələri İrandan mümkün hücumlara qarşı maksimum hazırlıq vəziyyətindədir.

İsrail ordusu ehtiyat hava hücumundan müdafiə qüvvələrini xidmətə çağırıb.

İran xarici işlər naziri Hüseyn Əmir Abdullahiyan hücumu “beynəlxalq hüququn pozulması” adlandırıb və İsrailin bunun bədələni ödəyəcəyini deyib. Prezident İbrahim Rəisi də İsrailə adekvat cavab verəcəkləri ilə hədələyib.

İran konsulluğunun vurulması nəticəsində 13 diplomat, 2 general ölüb. Ayrıca, bu gün gecə saatlarında İranın Sistan-Bəlucistan əyalətində baş verən silahlı toqquşmada 5 SEPAH hərbçisi həyatını itirib.