Polşa öz ərazisində nüvə silahı yerləşdirməyə hazırdır - Duda

Polşa Prezident Anjey Duda ölkəsinin ərazisində nüvə silahı yerləşdirməyə hazır olduğunu bildirib.

Teleqraf.com xəbər verir ki, Polşanın dövlət başçısı, həmçinin ölkədə ABŞ-ın nüvə silahlarının yerləşdirilməsi məsələsinin Vaşinqton və Varşava arasında danışıqlar mövzusu olduğunu təsdiqləyib.

“Əgər müttəfiqlərimiz NATO-nun şərq cinahının təhlükəsizliyini gücləndirmək üçün bizim ərazimizdə nüvə silahı yerləşdirmək qərarına gəlsələr, biz buna hazırıq”, - deyə Anjey Duda bildirib.

Prezident Polşanın Şimali Atlantika Alyansında müttəfiqliklə bağlı öhdəliklərinin olduğunu və ümumi siyasət həyata keçirdiklərini qeyd edib.