Dumanın deputatı vəfat etdi

Rusiya Federasiyası Dövlət Dumasının deputatı Artur Çilinqarov 84 yaşında dünyasını dəyişib.

Teleqraf.com Rusiya mətbuatına istinadən xəbər verir ki, bu barədə Rusiya parlamentinin aşağı palatasının spikeri Vyaçeslav Volodin məlumat verib.

Volodin qeyd edib ki, mərhum parlamentar Arktika və Antarktidanın qabaqcıl və fədakar tədqiqatçısı olub. Çilinqarov Dünya Okeanının öyrənilməsinə və inkişafına böyük töhfə vermiş coğrafiya elmləri doktorudur.

Çilinqarov 1939-cu il sentyabrın 25-də Sankt-Peterburq şəhərində anadan olub. Sağlığında bir çox dövlət mükafatlarına layiq görülüb. 1986-cı ildə tədqiqatçı SSRİ Qəhrəmanı, 2008-ci ildə isə Rusiya Qəhrəmanı adına layiq görülüb.