Tbilisidə qalmaqallı qanunla bağlı etiraz aksiyası keçirildi

Gürcüstanın paytaxtı Tbilisidə Respublika meydanında xarici agentlər haqqında qanuna zidd olan və ölkənin Avropa gələcəyi üçün xeyriyyə tədbiri keçirilib və keçmiş mitinqlərdə saxlanılan vətəndaşların cərimələrini ödəmək üçün pul yığılıb.

Teleqraf.com xəbər verir ki, tədbir başlamazdan əvvəl müxtəlif qeyri-hökumət təşkilatlarından olan, xarici agentlər haqqında qanunun əleyhdarları Tbilisinin mərkəzi prospektləri ilə yürüş ediblər. Aksiyada abxaziyalı məcburi köçkünlər də iştirak ediblər.

Tbilisidə və Gürcüstanın iri şəhərlərində təxminən bir ay yarımdır davam edən küçə etirazlarına, həmçinin ABŞ və Avropa İttifaqının sanksiya hədələrinə baxmayaraq, mayın 28-i Gürcüstan parlamenti prezident Salome Zurabişvilinin xarici agentlər haqqında qanuna vetosunu aşaraq onu ilkin redaksiyada qəbul edib.