“Yaşıl işıq” yandırıldı - Rusiyaya “Patriot”larla zərbə endiriləcək

Ukrayna Rusiyanın hava məkanında qarşı tərəfin təyyarələrini “Patriot” sistemləri ilə vura bilər.

Teleqraf.com xəbər verir ki, bunu Almaniya Müdafiə Nazirliyinin idarə rəisi, general-mayor Kristian Freydiq deyib.

“İndi “Patriot” sistemləri indi Xarkov vilayətində istifadə olunacaq və bunlar Rusiya ərazisindən qorxunc bombalar ata bilən rus təyyarələri ilə mübarizə üçün əla vasitələrdir”, - general vurğulayıb.

Onun sözlərinə görə, sistemlərdən istifadəyə görə məsuliyyət yalnız Ukrayna hərbçilərinin üzərinə düşür. Yəni bu sistemləri Ukraynaya verən Qərbin yox...

“Bunlardan beynəlxalq hüquq çərçivəsində istifadə edə bilərlər. Əminik ki, ukraynalılar nəinki buna əməl edəcəklər, həm də bunu böyük taktiki məharətlə yerinə yetirəcək və uğur qazanacaqlar”, - Freydiq bildirib.