Qeydiyyat bitdi - 80 nəfər İran prezidenti olmaq istəyir

İranda prezident seçkilərinə 80 nəfər namizədliyini irəli sürüb.

Prezident İbrahim Rəisinin helikopter qəzasında həlak olmasından sonra çağırılan növbədənkənar prezident seçkilərində iştirak etmək üçün namizədlərin qeydiyyatı başa çatıb.

Teleqraf.com “RİA Novosti”yə istinadən məlumat verir ki, bu gün yerli vaxt ilə 18:00-da 14-cü prezident seçkilərində iştirak üçün qeydiyyat bitib.

Məlumatına görə, ümumilikdə, beş gün ərzində seçki qərargahı İran prezidenti postuna iddia edən 80 nəfəri qeydə alıb.