Ermənistandan sərt qərar: Rusiya ilə hərbi əlaqələr dayandırıldı

Ermənistan Xarici İşlər və Müdafiə Nazirliyi Rusiya ilə təmaslara maraq göstərməyi dayandırıb, bu, Qərbin təzyiqinin nəticəsidir.

Teleqraf.com xəbər verir ki, bunu Rusiya xarici işlər nazirinin müavini Mixail Qaluzin deyib.

“2023-cü ilin noyabrından bəri xarici işlər nazirlərinin görüşü olmayıb. Xarici işlər nazirlikləri arasında məsləhətləşmələr proqramının hazırlanması və yekunlaşdırılması təklifimiz tərəfdaşları maraqlandırmır. Müdafiə qurumları arasında əlaqələrin dinamikasının nəzərəçarpacaq dərəcədə azalması bizim günahımız deyil. Hərbi-texniki əməkdaşlıq da azalıb. Biz bunu İrəvanı ölkəmizlə əlaqələri minimuma endirməyə məcbur etməyə çalışan Qərb dövlətlərinin təzyiqinin nəticəsi kimi görürük”, - nazir müavini bildirib.

Eyni zamanda, Qaluzin qeyd edib ki, Moskva ilə İrəvan arasında ikitərəfli təmaslar dayanmayıb.