Husilər üç ticarət gəmisini vurdu

Husilər üç ticarət gəmisini vurduqlarını deyirlər

Teleqraf.com TASS-a xəbər verir ki, Yəmən üsyançıları Roza, Vantage Dream və Maersk Seletar ticarət gəmilərinə hücum ediblər.

Bu barədə hərəkatın hərbi nümayəndəsi Yəhya Sariya husilərə məxsus “Əl Məsirə” telekanalının efirində bildirib.

Onun sözlərinə görə, üsyançı silahlı qüvvələr “Roza” neft tankerinə və “Vantage Dream” yük daşıyan gəmisinə Qırmızı dənizdə hücum edib. Səbəb kimi hər iki gəminin işğal olunmuş Fələstinin limanlarına keçid qadağasını pozması göstərilib. Saria iddia edir ki, husilərin ABŞ-yə aid olduğunu müəyyən etdiyi Maersk Seletar konteyner gəmisi Ərəb dənizində bir neçə pilotsuz təyyarə ilə hücuma məruz qalıb.