Sui-qəsdə məruz qalan Tramp iddialı danışdı: "Heç kim..."

Son sui-qəsd açıq havada mitinqləri davam etdirməyimə mane olmayacaq.

Teleqraf.com xəbər verir ki, bunu ABŞ-nin prezidentliyinə namizədi Donald Tramp deyib. Bu barədə məlumat "Truth Social" sosial şəbəkəsində yayılıb.

Tramp qeyd edib ki, ABŞ -nin Məxfi Xidməti onu qorumaq üçün səyləri əhəmiyyətli dərəcədə artırmağa razılaşıb və bunu etməyə qadir olduğuna əmin olduğunu bildirib.

“Heç kim heç vaxt söz və ya toplaşmaq azadlığını qadağan etməməli və ya əngəl törətməməlidir”- deyə Tramp yazıb.

Donald Trampa sui-qəsd iyulun 13-də axşam saatlarında baş verib. Siyasətçiyə bir neçə dəfə atəş açılıb, bundan sonra qulağı qanlı halda səhnədən götürülüb və xəstəxanaya yerləşdirilib. Müalicə aldıqdan sonra Tramp xəstəxanadan buraxılıb.