İngiltərədə miqrant axınına qarşı etirazlar başladı

İngiltərədə Soutport şəhərində miqrant axınına qarşı etirazlar başlayıb.

Teleqraf.com xarici mətbuata istinadən xəbər verir ki, "Hope Not Hate" təşkilatı həftə sonu Böyük Britaniyada miqrant axınına qarşı planlanan 30-dan çox etiraz aksiyası qeydə alıb.

Hadisələr zamanı Stok-on-Trent şəhərində aksiyaçılar tərəfindən polis məmurlarının üzərinə kərpic atılıb, Belfastda anti-islamçı qruplaşma ilə irqçilik əleyhinə aksiya iştirakçıları arasında münaqişə baş verib.

Mançester və Liverpulda da aksiyalar zamanı polis onlara dağıdılma əmri verib.

Qeyd edək ki, iyulun 29-da İngiltərənin Soutport şəhərində 17 yaşlı yeniyetmə bıçaqla rəqs studiyasına hücum edib. Hücum nəticəsində 6-9 yaş arasında olan üç uşaq ölüb.