"Meta” Haniyə ilə bağlı paylaşımları sildiyi üçün üzr istədi

“Meta” korporasiyası Malayziyanın Baş naziri Ənvər İbrahimin feysbuk və instaqramda HƏMAS-ın öldürülən lideri İsmayıl Haniyə ilə bağlı paylaşımlarını sildiyi üçün üzr istəyib.

Teleqraf.com xəbər verir ki, bu barədə “Reuters” məlumat yayıb.

“Biz Malayziyanın Baş nazirinin feysbuk və instaqram səhifələrindən məzmunun silinməsi ilə nəticələnən əməliyyat xətasına görə üzr istəyirik”, - şirkət sözçüsü bildirib. O, postların bərpa olunduğunu əlavə edib.