“Rusiya uduzmalı və parçalanmalıdır” - Snayder

Müharibədə Rusiyanın uduzması onun üçün edilə biləcək ən yaxşı şeydir.

Teleqraf.com xəbər verir ki, bunu amerikalı tarixçi Timoti Snayder deyib.

“Mənim konkret bir fikrim var: imperiyalar müharibələrdə uduzmaqdan faydalanırlar. Onları həmişə itirmirlər, amma bu, onlar üçün yaxşıdır. Mən Polşa, Almaniya və İtaliyanı nəzərdə tuturam - hamısı post-imperiya ölkələridir. İspaniya, Fransa, Böyük Britaniya da postimperiya dövlətləridir. Avropaya inteqrasiya deyilən şey isə imperiyalardan sonrakı bir fenomendir”, - tarixçi bildirib.

Snayderin fikrincə, gündəlik siyasi təcrübədə imperiyanı qorumaq cəhdi qanunun aliliyi və ya insan haqlarını qorumaq səyləri ilə bir araya sığmır.

Rusiyaya gəldikdə, o vurğulayıb ki, müharibə federasiyada istənilən normal siyasəti mümkünsüz edir:

“Bəs Rusiya imperiyasının parçalanmasını düşünürəmmi? Rusiya dövləti imperiya olmadan da mövcud ola bilər. Bu da mümkündür. Amma düşünürəm ki, amerikalılar, ukraynalılar və başqaları da bu barədə düşünməlidirlər. Müharibədə Rusiyanı məğlub etmək Rusiya üçün edə biləcəyimiz ən yaxşı şeydir”.

Bundan sonra Rusiyada nə baş verəcəyi ilə bağlı suala Snayder belə cavab verib ki, bu, ruslar və o ərazidə yaşayan insanlardan asılıdır:

“1945-ci ildə Almaniyanın, Əlcəzairdə isə Fransanın uduzması yaxşı olduğu kimi, bu müharibəni də uduzmaq onlar üçün yaxşı olardı. Amma bundan sonra baş verənlər bizim işimiz deyil. Düşünmürəm ki, müharibə orada yaşayan insanlardan başqa heç kimə təsir etmir...”