Müharibə Putinin istəmədiyi yerə döndü - “İndi danışıqlara gələcək”

Ukrayna danışıqlar prosesində mövqelərini gücləndirmək üçün Rusiyanın Kursk vilayətində hücuma keçib.

Teleqraf.com xəbər verir ki, bunu Ukrayna Prezidenti Aparatı rəhbərinin köməkçisi Mixail Podolyak deyib.

Onun sözlərinə görə, Rusiyanın ərazi, insan və texnika itkiləri danışıqlara müsbət təsir edəcək, Ukrayna qüvvələrinin federasiya ərazisinin dərinliklərinə doğru irəliləməsi rusları qorxudacaq və onların Prezident Vladimir Putinə münasibətini pisləşdirəcək.

“Qorxudan reaksiya verə bilirlərmi? Xeyr, biz bunu nəhayət dərk etməliyik. Rusiya istənilən güzəşti zəiflik və onun qarşısında diz çökməyə hazır olmaq kimi qəbul edəcək”, - Ukrayna rəsmisi vurğulayıb.

Podolyak əlavə edib ki, Rusiya bundan sonra danışıqlar masasına oturanda müharibənin onun ssenarisi üzrə getmədiyini anlayacaq.