Cəbhədəki gəlişmə Zaxarovanı həyəcanlandırdı – “Təcili olaraq...”

Moskva beynəlxalq ictimaiyyəti Ukrayna Silahlı Qüvvələrinin Zaporoje atom elektrik stansiyasına hücumu ilə bağlı Kiyevə təsir etmək üçün təcili tədbirlər görməyə çağırır.

Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

“Nə qədər vaxt olduğunu yadınıza salın, ilk dəfə deyil ki, Rusiya Federasiyası beynəlxalq ictimaiyyəti Kiyev rejimi və onun qərbli himayədarlarına təsir etmək üçün təcili tədbirlər görməyə çağırır”, - rusiyalı diplomat bildirib.

Zaxarova baş verənlərə görə ABŞ və Böyük Britaniyanı ittiham edib. Onun sözlərinə görə, Ukrayna rəhbərliyinin arxasında dayanan Vaşinqton və Londonda nüvə stansiyaları əhalini qorxutmaqdan tutmuş terror fəaliyyətinin aparılması vasitəsi, aləti kimi tanınır.

“Bunu gördük, zərbə endirilən zaman hədəf Zaporoje AES-in obyektlərindən biri idi”, - Zaxarova əlavə edib.